Иван Иванов, синот единец на поранешниот претседател Ѓорге Иванов, се верил со својата девојка. Убавата вест тој ја откри во емисијата ,,Бекстејџ”, не откривајќи го идентитетот на избраничката.
-Во ова невино време што измина, во животот ми влезе личност која ми го облагороди моето време. Уште на почеток знаевме дека тоа е тоа. Пеперутките во стомакот не лажат. Таа ме освои со шарм, насмевка, ниво на промислување на работите, интелигенција. Работите течеа по природен пат – изјави Иван.
Околу плановите за свадбена забава, порача дека по завршувањето на панедмијата ќе следи традиционална свадба. Исто така, тој ја промовираше својата деби потеска книга насловена ,,Невино време”. Раскажа и својата љубов кон музиката, со пораката дека гитарата му е постојано во раце.
Вики Клинчарова