ЛП: Наместо за Панорамското тркало парите да се пренаменат за помош на поплавените

by Фокус 11:29
11:29

Либерална партија изразува загриженост за моменталната политичко-економска состојба и нагласува дека наместо власта да се фокусира на решавање на различните потреби и проблеми, таа ги продолжува непотребите трошења на јавни пари како оние за изградба на Панорамско тркало.

-Сведоци сме дека луѓето страдаат од временски непогоди кои се резултат на речиси децениска негрижа во инфраструктурата при што гинат луѓе и згаснуваат млади животи. Временските непогоди не зависат од Владата и локалната самоуправа, но ако тие спроведуваа одговорно и планско градење канализациони системи, спречување дивоградби, непланско сечење на шумите и ако ги регулираа водите, ќе се избегнеа човечките жртви и штетните последици од непогодите. Затоа, сметаме дека централната и локалните власти се најодговорни за изгубените човечки животи и за големите материјални штети, се наведува во соопштението на партијата.

- Advertisements -

За ова да се спречи во иднина, партијата бара изградбата на Панорамското тркало да прекине, тендерот за споменикот на Мајка Тереза да се поништи и средствата да се пренаменат за помош на граѓаните погодени од непогодите во Македонија како и итна изградба на потребната инфраструктура.

Поврзани новости