„Приоритет над приоритетите во однос на уставните измени е промена на Преамбулата, со што во неа би се вметнале сите помали заедници кои ќе пројават интерес за тоа, но доколку `се отвори Уставот` тогаш треба да се најдат решенија и за „сите празнини“ во него, за што ќе деде потребен консензус“.
Ова денеска го изјави министерот за правда, Кренар Лога по средбата со австриската министерка за правда, Алма Задич.
Тој нагласи дека ја повикува ВМРО-ДПМНЕ и пратениците на оваа партија да се изјаснат за сите прашања што ги имаат поврзани со Уставот, посочувајќи дека вратата на Министерството за правда останува отворена за нив. Во врска со измените на Изборниот законик, Лога нагласи дека останува рокот до петок што и го остави на ВМРО-ДПМНЕ да предложи свој претставник во работната група.
„Да почекаме до петок“ – рече министерот.
Тој го поздрави денешниот избор на нови судии од страна на Судскиот совет и најави дека денеска Министерството до Владата ќе достави нов Предлог закон за Академија на судии и јавни обвинители, со што ќе биде подобрена нејзината инфраструктура.