Лицето кое се обиде да влезе со пиштол во автобус нападнало полицајци при приведување

Едно од двете лица кои вчера насилно сакаа да влезат во автобус на ЈСП Скопје со број 16 при приведувањето физички ги нападнало полициските службеници. Се работи за триесет и осумгодишниот С.З. од село Морани.

Инаку, тој вчера околу 13:30 часот заедно со уште едно лице излегол од автомобил „Порше“ со гостиварски ознаки и сакале насилно со закани со пиштол да влезат во автобусот.

Откако биле пријавени во полиција, двајцата избегале, а С.З. го фрлил пиштолот при бегање.