До редакцијата на „Фокус“ денеска пристигна соопштение од партијата ДОМ во кое беше содржана информацијата дека денеска, на 02.06.2014-та, тим од партијата предводен лично од претседателката, г-ѓа Лилјана Поповска ќе оствари средба со Претседателот на државата проф. д-р Ѓорге Иванов на која ќе се истакнат заложбите за климатските промени и нивното влијание.
На средбата ќе присуствуваат и партиските потпретседатели проф. д-р Денко Скаловски и проф. д-р Бети Дејанова, како и секретарот на партијата Стево Темелковски, кој воедно е и заменик министер за животна средина и просторно планирање во Владата на Република Македонија.
Партијата ДОМ инаку, на јавноста ѝ е позната, меѓу другото и по нејзината борба за зачувување на животната средина, поради што сѐ повеќе граѓани ја препознаваат и како „зелената партија“.
За текот и заклучоците од средбата ќе следат дополнителни информации, кои штом ќе пристигнат до редакцијата на „Фокус“, веднаш ќе им бидат пренесени на читателите, кои веруваме дека, како и ние, со нетрпение ги очекуваат.