Лидерите лидерски се договорија за експертите во ДИК

По три часа преговарање, лидерите на четирите најголеми политички партии ги избраа тројцата експерти кои ќе бидат членови на ДИК. Груевски, Заев, Ахмети и Тачи се договорија експерти во ДИК да бидат  Реџеп Прекопуца, Атанас Урунов и Александар Чичаковски.

Во текот на сите три часа од средбата се разговарало за комплетирањето на Државната изборна комисија. Воопшто не станало збор за Законот за медиуми и реформите во медиумскиот систем, иако тоа беше планирано.

Освен партиските лидери, на средбата присуствуваа и олеснувачот во преговорите, белгискиот експерт Питер Ванхауте, како и амбасадорите на САД и на ЕУ, Џес Бејли и Аиво Орав.