Лајчак: Северна Македонија направи се за да добие статус на кандидат за членство во ЕУ

Специјалниот пратеник на Европската унија (ЕУ) за Западен Балкан, Мирослав Лајчак изјави дека интеграцијата на Западен Балкан во ЕУ нема алтернатива.

Процесот е многу побавен отколку што се надевавме и посакувавме“, рече Лајчак на Балканскиот форум за интеграција во Подгорица, наведувајќи ги „објективните околности што влијаеле на него“ – Брегзит, мигрантската криза, но и скептицизам кај одредени членови.

Тој рече и дека земјите од Западен Балкан треба да го вратат кредибилитетот на процесот.

„ЕУ не е задоволна и сега треба да си помогнеме“, рече Лајчак.

Во врска со Северна Македонија, Лајчак истакна дека прашањето е само „кога“, бидејќи таа земја направила се за да добие статус на кандидат за членство во ЕУ.