Кумановец тешко повреден откако скокнал од камионот што го управувал

Вчера попладне, кумановец се здобил со тешки повреди откако изгубил контрола над возилото и скокнал од камионот кој го управувал, пренесуваат од МВР.

„На 14.11.2019 во 14.40 часот во Полициската станица Крива Паланка било пријавено дека во Итната медицинска помош со повреди бил донесен Г.Л.(43) од Куманово. Според пријавеното, на патот во изградба с.Т’лминци – с.Градец, кај место викано „Крстата падина’’, Г.Л. изгубил контрола над товарното моторно возило „ман“, со скопски регистарски ознаки, при што скокнал од возилото и се здобил со тешки телесни повреди. За настанот бил известен Јавен обвинител, а увид на местото на настанот извршила екипа од Полициска станица Крива Паланка“, додаваат од МВР.