Куче нападна 9-годишно дете, му откина дел од увото

by Fokus

Деветгодишно момче било нападнато во центарот на српскиот град Власотинци од куче од расата „малиноа“.

Според информациите, кучето му откорнало дел од увото на детето, потврди за локалните медиуми еден од роднините на момчето, а потврда стигна и од две здравствени установи.

Трагедијата ќе била многу поголема доколку разбеснето животно не го сопрел неговиот сопственик.

„Веднаш пристигна Брзата помош од Власотинци, му укажала прва помош, го однела во ургентниот центар на Лесковачката општа болница, од каде е препратен во КЦ Ниш – вели роднината, а потврдиле и во Ургентниот центар.

Нападот на момчето се случил околу 14 часот додека си играло во мал парк помеѓу две згради, кој се граничи со оградата од која избегало кучето.

Според информациите, кучето се шетало низ дворот на куќата, сопственикот влегувал во дворот, ја отворил капијата, а кучето успеало да му побегне и директно го нападнало детето – раскажал роднина.

Не го обвинуваат сопственикот на кучето, бидејќи и тој бил многу потресен од случката, само го обвинуваат што чувал толку опасно животно.

– Се работи за куче малиноа кое може да прескокне ѕид висок два метра – вели роднина на момчето, која вели дека сопственикот сакал да го заспие кучето на лице место, но дека полицијата не му дозволила поради претстојните тестови.

Поврзани новости