Кривичниот ја доби големата сала на Врховниот суд за „Диво Насеље“

by Фокус

Кривичниот суд ќе ја користи големата сала на Врховниот суд за судењата за случајот „Диво насеље“ каде има многу обвинети и адвокати и голем интерес на јавноста.

Иако претседателката на Врховниот суд, Лидија Неделкова, соопшти дека не може да се користи оваа сала бидејќи била наменета за свечености, сепак салата е дадена на користење со одлука на Владата потпишана од вицепремирот Зоран Ставревски на 17 мај.

Салата му се дава на Судот на користење во рок од шест месеци од денот на влегувањето во сила на оваа одлука, два дена откако ќе биде објавена во Службен весник.