Кривична за седум лица, заедно ограбиле 21 објект

by fokus 10:52
10:52

Кичевската полиција поднесе кривична пријава против пет полнолетни и две малолетни лица поради постоење основи на сомнение дека сториле 21 казнено дело „тешка кражба“.

Пријавените, една тешка кражба сториле кон крајот на септември минатата година додека останатите 20, во периодот од јануари до април оваа година. Тие користеле подесен алат и прибор за разбивање на влезни врати и прозори како и физичка сила.

На тој начин, пријавените влегле во фризерски салон, спортска сала, пекара, повеќе бутици, продавница за авто делови, берберници, повеќе сендвичари, како и во неколку куќи во Кичево, и во продавници во селото Другово. Притоа, одземале пари, златен накит, техничка стока, колонијални и прехрамбени производи.

Со извршувањето на казнените дела, пријавените се стекнале со противправна имотна корист од околу 176.000 денари

Поврзани новости