Кривична пријава за двајца вработени во Агенцијата за вработување, легализирале нелегален престој на 87 странски градежни работници

by fokus 13:19
13:19

Двајца вработени во Агенцијата за вработување добија кривична пријава бидејќи на правно лице му легализирале нелегален престој на 87 работници од странство, кои беа затекнати додека работеа на објекти зад Рамстор. Поточно, турската компанија „Лимак“ гради комплекс од неколку згради и хотел.

-Единицата за економски и компјутерски криминал при СВР Скопје поднесе кривична пријава против Н. М. (48) и В. З. (60) од Скопје, двајцата вработени во Агенција за вработување, поради постоење основи на сомнение за сторено кривично дело „злоупотреба на службена положба и овластување“ по член 353-а став 1 од Кривичниот законик.

- Advertisements -
Banner 300x250_

Пријавените, во периодот од 20.11.2020 до 22.01.2021, спротивно на член 13 став 1 точка 1,2,3,и 4 од Законот за вработување и работа на странци, изготвиле и издале 14 образци за пријава на работа на странци на територијата на Република Северна Македонија на правно лице со што всушност легализирале нелегален престој и работа на вкупно 87 лица странски државјани, без да добијат дозвола за легален привремен престој заради работа на странец и без да засноваат легален работен однос според законската регулатива согласно Законот за работните односи, се вели во соопштението до МВР.

На тој начин, пријавените според МВР, му овозможиле на правното лице да избегне плаќање на давачки кон државата по основ на персонален данок на доход и плаќање на давачки за придонеси по основ на задолжително социјално осигурување во износ од 593.056 денари, за која сума правното лице прибавило противправна имотна корист и воедно за истиот износ пријавените предизвикале штета на буџетите на Фондовите на Република Северна Македонија.

Поврзани новости