Поп пејачката, Кристина Арнаудова, ќе ја отвори овогодинешната манифестација „10 дена Крушевска Република“. Овој културен настан се одржува секоја година од 1-ви до 10- август и манифестација на која преку музика, поезија и проза, театар, храна и друго ја илустрира културата и историското наследство на градот, но и не враќа назад во времето, се до 19-ти и 20-ти век.
Оваа манифестација исто така го илустрира мултиетничкиот живот и различностите на граѓаните на општина Крушево и Македонија и претставува еден обединувачки настан кој спојува различности и повикува на заедништво.
За оваа година се планира проширување на програмата, нејзиното модернизирање и подготовка за наредните години која ќе овозможи манифестацијата да привлекува поголем број на туристи.