Кражба на бродска опрема од пловни објекти во Охрид

by fokus

Непознати сторители изминатите неколку дена украле најмалку три вонбродски мотори и друга опрема од пловни објекти закотвени во Студенчишкиот канал во Охрид.

Кражбата ја забележал еден од сопствениците на чамец, кој случајот го пријавил во полиција.

Оштетените лица сметаат дека се работи за однапред смислен план бидејќи моторите се украдени во период кога заначително е намалена фреквенцијата на движење во тој дел од градот. Некои од сопствениците сметаат дека кражбата била извршена со друг пловен објект.

Моторите биле украдени откако крадците со соодветен алат ги обиле преградите во пловилата каде се чува соодветна опрема.

Од СВР Охрид го потврдија случајот, со напомена дека бројот на оштетени лица може да е поголем. Повеќе  информации најавија за утре.

Поврзани новости