Ковид-сертификатите во Словенија не се задолжителни за работа од дома и за на бензински пумпи

by Fokus 11:49
11:49

Мерката за задолжителен ковид-сертификат во Словенија денеска е малку олеснета, откако е одлучено тие да не бидат задолжителни за лицата што работат од дома, како и за оние кои полнат гориво, но не влегуваат во објектите на бензинските пумпи.

Оваа одлука е содржана во декретот донесен доцна синоќа, што следуваше по острите критики за задолжителен ковид-сертификат за оние кои работат од дома, особено за самовработените, пренесува словенечката агенција СТА.

- Advertisements -

Исто така, укинато е и задолжително поседување на ваков сертификат и за точење гориво на бензинските, мерка донесена пред десетина дена, која предизвика бурни реакции во јавноста.

Словенечката влада, исто така, одлучи спортските активности во затворен и отворен простор да се изведуваат без маски и дистанцирање, се додека учесниците имаат ковид -сертификат.

Од регионот Словенија о последниве денови воведе најригорозни мерки, кои иницираа протести, а на некои дојде и до судири со полицијата.

 

Поврзани новости