Ковачевски: За економски успех потребни се реформи во образованието

by Fokus 11:33
11:33

Регионалната соработка е клучна во вакви кризни времиња за полесно пребродување на кризата од аспект на тоа што и Македонија и Србија и Европа се наоѓаме во исклучително тешки економски околности кои што се предизвикани прво од кризата која што беше предизвикана здравствена пандемија, меѓутоа подоцна продолжи со цените на енергенсите и на крај дополнително беше ескалирана со војната во Украина што ги зголеми цените на храната и на енергенсите, рече премиерот Ковачевски на регионалниот самит кој го организира Македонија 2025.

Според Ковачевски три клучни работи се важни во вакви услови за Македонија а тоа се задржување на животниот стандард на најранливите категории на граѓани. Второ задржување на моментумот за раст на економијата преку инвестирање во сите програми кои што се наменети за раст на компаниите и за поддршка на нивниот развој и третото е стратешко инвестирање во се она кое што го увидовме низ овие кризи дека не било направено во изминатите 30 години.

-Ќе тргнам од последното, ние практично сме држави на дискуинитет – односно после менување на политички систем, менување на општествен систем, на уредување, војните кои што се водеа на просторите на бивша Југославија, имавме премногу точки на дискуинитет и податоците за животниот стандард кој што го имаме во однос на развиените земји особено од Западна Европа тоа токму и го покажуваат, вели Ковачевски.

И затоа според него инвестирање во консолидација на енергетските системи, инвестирање во дигитализација како на администрацијата така и на услугите кои што се даваат на граѓаните и реформите на образованието.

-Особено реформи од аспект на инвестирање во струки кои што се потребни на пазарот, кои што практично ние и ги немавме во образовниот систем, само за илустрација ние имаме закон за средно образование кој што е стар 20 години и кој што кога го увидов тоа прво кажав да се прави нов закон за средно образование бидејќи закон направен во време кога немало ништо практично никому не му врши работа во држава која оди напред, вели Ковачевски.

На Самитот присуствуваат креатори на политики, лидери на компании, претставници на дипломатскиот кор, меѓународни организации, академската и граѓанската заедница.

Фокусот на годинашниот самит е ставен на она што може да се направи за да се избегнат кризите и да се подобри животниот стандард на граѓаните и деловното опкружување за бизнисите.

 

Поврзани новости