Два милиони горди Македонци ноќва заеднички напнато ќе чекаат додека креаторите на медената приказна за судирот меѓу традицијата и модерното влегуваат во историјата на Оскарите со својата досега невидена двојна номинација, пишува Радио слободна Европа.
Филмот „Медена земја“ и неговите креатори веќе имаат освоено 30 меѓународни награди – меѓу кои и три признанија на минатогодишниот престижен филмски фестивал „Санденс“ во САД.
Но ниту еден филм досега не бил номиниран и за најдобар меѓународен филм и за најдобар документарец сè додека „Медена земја“ не се појави на списоците на номинирани од американската Академија за филмска уметност и наука.
Победниците ќе бидат објавени во најочекуваниот настан во Холивуд, церемонијата на доделување Оскари, во Долби театарот во Лос Анџелес.
-Филмаџиите Тамара Котевска и Љубомир Стефанов работеле на конзерваторски проект кога се запознале со Хатиџе Муратова, неверојатната турско-македонска традиционална пчеларка што е во центарот на документарецот што влезе во историјата, во пустиот регион од нивната балканска татковина, вели РСЕ.
Дваесет и петгодишната Котевска за Радио слободна Европа изјави дека еколошкиот проект „Медена земја“ се претворил во моќна приказна за опстанокот и природата.