Комисија од Правда го чешла АКМИС системот во Апелација

Работната група од Министерството за правда денеска врши проверка на АКМИС системот за електронска распределба на судските предмети во Апелацискиот суд Скопје.

Министерот за правда Билен Саљији минатата недела изјави дека увидот во АКМИС системот отсега па натаму ќе биде пракса во сите судови во државата.

Работната група веќе спроведе контрола во работењето на АКМИС системот во Основниот суд Скопје 1. Минатата недела од таму го најавија увидот во Апелација, по што ќе следи проверка на системот и во Врховниот суд.

– Кога ќе го имам сублимираниот извештај на Работната група од увидот во трите суда целосно ќе го објавиме пред јавноста – изјави министерот за правда.