Колку ќе заработи Меси од трансферот во ПСЖ?

by Fokus 15:07
15:07

Вредноста на трансферот во ПСЖ на Лионел Меси, кој летово по две децении ги напушти редовите на Барселона, изнесува фантастични 110 милиони евра, објави денеска францускиот весник „Л Екип“.

Изнесувајќи ги финансиските детали од тригодишниот договор, весникот наведе дека Меси ќе заработува 30 милиони евра по сезона, плус дополнителни 10 милиони евра за лојалност за втората и третата сезона од неговиот престој во Париз.

- Advertisements -

Аргентинецот Меси ќе заработува исто колку и Нејмар, според новиот договор што Бразилецот го потпиша претходно оваа година, а повеќе од францускиот напаѓач Килијан Мбапе, кој засега одбива да го продолжи договорот со ПСЖ.

Поврзани новости