Двајцата претседателски кандидати кои ќе се соочат во вториот круг од изборите, Стево Пендаровски и Гордана Силјановска Давкова денеска се соочија на Твитер. Прво, Силјановска напиша твит во кој го обвини Пендаровски дека откажал гостување на дебата на Телма.

-Навистина жалам што Стево ја откажа за дебатата планирана за денес на Телма. А, можеше да научи нешто за ЕУ, напиша Силјановска.

На ова Пендаровски одговори дека Силјановска повторно лаже и дека не ни имало закажана дебата.

-Професорке, повторно се служите со невистини. Но сега барам од Телма да ве демантира. Дебата не била закажана. Ваквите невистини нема да ве искупат за вашето реално бегање од најавената дебата на Жешко столче, возврати Пендаровски.

Од телевизија Телма најавија дека објаснување на целата ситуација ќе дадат вечерва на почетокот на Топ тема.

Содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.