Професорот Јове Кекеновски во својот фејсбук статус ја критикува Државната изборна комисија и тврди дека со Пржинскиот договор таа требало да биде деполитизирана и експертска институција. Неговиот статус ви го пренесуваме во целост:
• 4-те лидери потписници на договорот од Пржино со измените и дополните на Изборниот законик како и со предлагањето на експерти со партиска препорака дополнително ја дополитизираа ДИК. На овој начин ДИК дејствуваше како партиска испостава,
• Да биде апсурдноста поголема, гласот на членот на ДИК мораше да биде во рамки на курсот на партијата која го делегирала. Неправилностите во избирачкиот список не беа битни, битно беше партиската наредба да биде извршена.
• После толку непринципелности, аматеризам, политички ујдурми и одработувања за своите налогодавци (читај лидерите на нивните партии) ДИК писмено побара од претседателот на Собранието да свика седница за да се направат измени и дополни во Изборниот законик, бидејќи дури сега оценила дека има несразмерност на изборните единици, за кои многумина од нас укажуваа многу, многу одамна.
• ДИК повеќе нема кредибилитет и капацитет во истиот состав и понатаму да функционира. Аргумент повеќе е што еден од нив се на списокот на аболирани, друг е водоводжиско-канализациски експерт кој се разбра од право колку јас во астрономија, трет е дипломиран професор по албански јазик и книжевност, трет е политиколок, а четврт дипломиран правник ,,експерт” кој нема доволно практично искуство, откако малку подоцна во поодминати години дипломирал.
• Најголемиот дел од членовите на ДИК кои работеа исклучиво по партиска директива, потребно е да сносат кривична и материјална одговорност за заблудите кои ни ги правеа со нивното партиско слугување и досегашното штетното дејствување на товар на граѓаните.
• СТОП за нивниот партиски ,,експертизам”, политички волунтаризам и сервилност. Под итно избор на нови членови на ДИК