Ќе се откријат непознати детали за Ражанатовиќ во „Цеца шоу“, продукцијата очекува огромна гледаност!

by Fokus 21:30
21:30

Во соседна Србија наголемо се зборува за новото реално шоу насловено ,,Цеца шоу” кое во октомври ќе започне да се прикажува на ТВ Блиц.

Се работи за 40 епизоди на играно-документарна програма, базирана на вистински приказни од животот на турбо фолк ѕвездата Цеца Ражнатовиќ, како и членовите на нејзиното семејство.

Како што појаснуваат од продукцијата, за прв пат за Цеца и фамилијата Ражанатовиќ ќе бидат откриени детали за кои јавноста досега не слушнала.

-Семејни ситуации, разговори помеѓу Цеца и сестра и Лидија, домот во Белград, како и вилата на Кипар, случки на Анастасија и Вељко, сето тоа е забележано со камерите. Ова е прва сезона на шоуто, и станува збор за високобуџетен проект. Се снимаше во повеќе земји во Европа, а снимањето се одвиваше неколку месеци-информираат.

 

Цеца која е присутна на сцената повеќе од три децении, секогаш била интересна за јавноста, посебно кога се работи за приватниот живот.
Во светот веќе со децении е пракса да се снимаат реални шоу програми за познати јавни личности. Ози Озборн, Ким Кардашијан, Хју Хефнер, Доналд Трамп и многу други уште пред многу години ја анимираа јавноста со свои реални шоуа, кои на главните протагонисти им донесоа огромни заработувачки.

Вики Клинчарова

Поврзани новости