Пред малку се уапсени градоначалникот во оставка Љупчо Папазов и поранешните двајца градоначалници на Кочани, неофицијално дознава Фокус.
Според нашите информации, во тек е полициска акција, но како што дознаваме последните тројца градоначалници на Кочани се приведени. Ратко Димитровски екс градоначалник од редовите на ВМРО ДПМНЕ , Николче Илијев од редовите на СДСМ, и доскорешниот Љупчо Папазов.
Од обвинителство пред малку информираа дека има нови апсења:
“Во тек е акција на полициски екипи по наредба на Основното јавно обвинителство Кочани, а во врска со постапката за пожарот во клубот “Пулс”. Акцијата за приведување лица за кои постои сомнение за инволвираност ќе трае во текот на ноќта, а повеќе информации обвинителството ќе соопшти по завршување на акцијата во текот на утрешниот ден”.
И.М.