Катица Јанева бара да го преземе предметот за Божиновски

Специјалното јавно обвинителство денеска го побара од Основото обвинителство предметот за новинарот Зоран Божиновски.

Катица Јанева кусо образложила дека се работи за предмет против лице кое неодамна било екстрадирано од Србија, а е дел од случајот „Шпион”, предмет кој веќе е надлежност на СЈО.

Божиновски се товари за шпионажа, уцена и злосторничко здружување. Во случајот Шпион, уште 22 лица веќе добија затворски казни, а новинарот беше издвоен поради отсуство. Божиновски беше уапсен пред четири месеци во Нови Сад по потерница од македонските власти.