Катанец за училишта и факултети во Иран поради загадувањето

by Fokus 19:10
19:10

Училиштата и факултетите во неколку области во Иран, меѓу кои и Техеран, денеска се затворени поради загадување на воздухот, јавија локалните медиуми.

– Поради зголемено загадување на воздухот, јаслите, градинките, основните и средните училишта, како и факултетите и други образовни институции се затворени во поширокиот регион на Техеран, соопштија локалните власти.

Во Иран сабота е прв работен ден во неделата. Во Техеран утрово густината на штетните честички од 2,5 микрони (ПМ) достигна 146 микрограми на метар кубен.

- Advertising -

Светската здравствена организација (СЗО) препорачува максимална горна граница од само 25 микрограми по метар кубен за 24 часа.

Училиштата се затворени и во северниот и централниот дел на Иран. За сега не се прецизира кога ќе бидат повторно отворени.

Од загадување на воздухот во Иран годишно умираат речиси 30.000 луѓе.

Поврзани новости