Карпошани собраа потписи за одбрана на зеленилото

by fokus 21:29
21:29

Жителите од скопската населба Карпош 4 собраа потписи против изградбата на плоштад на местото на сегашното зеленило.

Заедно со списокот, до Општина Карпош доставија и барање да се поништи одлуката за изградба на плоштадот.

- Advertisements -

-Сметаме дека изградбата на овој плоштад сериозно ќе ги наруши правата на жителите загарантирани со Уставот (член 43) и начелата загарантирани со член 4 став 2 од Законот за просторно и урбанистичко планирање, според кој, меѓудругото, се предвидува рационално уредување и користење на просторот, услови за хумано живеење и работа на граѓаните. Бараме Општината, чија должност и обврска е да ги заштитува нашите граѓански права, да има слух за желбите и интересите на жителите и да ја поништи одлуката за изградба на непосакуваниот плоштад. На ваков начин сметаме дека ќе се спречи и непродуктивно трошење на средства, спротивно на интересот на жителите- стои во барањето на жителите на Карпош 4.

Доколку Општината не им го уважи барањето, жителите најавуваат дека ќе преземат други мерки за да го спречат уништувањето на паркот.

Поврзани новости