Ова е опасно заразување, да не се занесуваме, сите сме во опасност, постарите генерации се поизложени, но може да почине и човек без хронично заболување, порача епидемиологот Жарко Караџовски, кој е претседател на Комисијата за заразни болести.
-Само со доследно почитување на мерките може да се очекува намалување на бројот за заразени. Кога во април и мај се намали бројката на заразени, а здравствените власти ги намалуваа мерките, народот мислеше дека е готово, пандемијата заврши. Ние никогаш не сме рекле дека завршила пандемијата – рече Караџовски на Канал 5.
Тој уште еднаш посочи дека вирусот се избегнува со носење маска и одржување дистанца.
-Нашите капацитети се ограничени, нашите епидемиолози и инфектолози се ограничени, не можеме да измислиме нови. Затоа да се чуваме секој поединечно, а со тоа и колективно. Ќе ги повикам сите граѓани – чувајте не нас за ние да ве чуваме вас. Само така е можно да се справиме со вирусот. Не слушајте секого, има лекари, има комисија, има мерки… – порача Караџовски.