Караџиќ во Британија ќе ја издржува казната доживотен затвор

Велика Британија прифати на нејзина територија да биде префрлен поранешниот водач на босанските Срби, Радован Караџиќ, заради издржување на казната.

Караџиќ е во притворскиот центар на ОН во Хаг и чека да биде префрлен во затвор надвор од Холандија, каде ќе ја издржи казната, меѓу другото, и за неговата улога во масакрот во Сребреница за време на босанската војна.

Тој беше осуден на доживотен затвор од Хашкиот трибунал за геноцид, воени злосторства и злосторства против човештвото.