Во судница, на рочиштето за случајот “Рекет” се слушна и нов разговор, меѓу Орце Камчев и Бојан Јовановски, а снимен од бизнисменот.
Камчев го информира Боки 13 дека зборувал со адвокатот Тони, а тука Боки 13 реагира, и ми вели дека нема што да го бара. Во продолжение го известува дека има две решенија.
-Имам две решенија. Не зборувај со адвокати. Батали го!
Камчев ,пак, му вели: “Ти ми се јавуваш со женава и јас морам да го прашам. Тони ми е како брат”, се правда Камчев.
Боки 13 зборува претпазливо и со воздршка му кажува дека имало нови околности за случајот “Империја”.
Камчев, пак, и понатаму му се правда и вели: “Ти ми кажа да пуштам барање во четврток, дека судијката ќе биде отсутна, а ќе биде судијата Седат Реџепагиќ. Ова е заеднички интерес. Вие си имате еден интерес, јас си имам друг интерес. Заедничкииот интерес не спојува двете страни. Да си завршиме, вели Камчев.
Инаку судија на претходна постапка во случајот “Империја” е судијката Весна Димишкова, за која Камчев вели дека ќе биде отсутна. Таа му го одреди притворот, а му го одзеде и пасошот.
Во продолжение, Боки 13 му вели дека е поинаку кога зборуваат очи в очи, а поинаку по телефон. Тогаш му вели на Камчев дека се сомнева дека некој им ги слуша разговорите.
-Јас се устручавам. Не знам со кого си, пред кого зборуваш. Слушам дека се возиш , му вели Боки на бизнисменот.
Тој, пак, му се колне дека е сам.
-Сам сум, возам. Немам возач, вели Камчев.
Но, Боки, пак, ги споделува сомнежите: “Почуствував дека разговорот го слуша некој”, вели Боки.
Тогаш, Камчев продолжува да го убедува дека е сам.
“Ти се колнам дека сум сам, немам шофер, го уверува бизнисменот.
Судењето е во тек.
В.В.