Новоизбраниот јавен обвинител Љубомир Јовески, во својата прва изјава откако беше изгласан во Собранието, рече дека ќе работи во насока да ја зашитува законитоста и да обезбедува владеење на правото во Република Македонија. Тој подвлече дека под негово управување Обвинителството ќе се дистанцира од извршната власт и другите центри на моќ и ќе биде самостоен државен орган надлежен за гонење на криминал.
– Ја гарантирам самостојноста во постапувањето на јавните обвинители и инсистирам да го истражуваат и гонат криминалот и корупцијата, а своите одлуки да ги носат исклучиво врз основа на доказите и фактите што ќе се утврдат, а утврдувањето на вистината да им биде приоритетна цел – порача тој.
Јовевски кажа дека имал конктакти со СЈО и дека значително е подобрена соработката. Се уште е рано, вели да се зборува кој ќе му биде прв случај. Во свечената изјава во Собранието се обврза дека ќе го почитува Уставот и законите и оти ќе работи чесно, совесно и непристрасно. Ќе работи на враќањето на довербата на граѓаните во Јавното обвинителство.
– Пред голем предизвик сме да ја вратиме загубената доверба во работата на обвинителството пред граѓаните и да се профилира како професионална институција што ќе ги гони сторителите на кривични дела – додаде тој.
Фото: МИА