Јавниот обвинител на Њујорк, Летиција Џејмс, оформи тим што ќе ги провери наводите дека гувернерот на државата Њујорк, Ендру Куомо, сексуално ги вознемирувал своите соработнички.
Во тимот ќе бидат поранешниот сојузен обвинител Џон Ким и адвокатката за трудово право Ана Кларк, соопшти обвинителството.
-Несомнено е дека и двајцата имаат знаење и искуство потребно за да спроведат истрага и на Њујоркчани да им ги дадат одговорите што ги заслужуваат, се наведува во соопштението.
Неколку жени, вклучувајќи и три поранешни службенички од кабинетот во Куомо, го обвинија за несоодветни коментари за нивниот изглед, поставување прашања за нивниот сексуален живот, а во некои случаи дури и има давал непријатни прегратки и несакани бакнежи.
Гувернерот Куомо негираше дека некого допирал на непримерен начин и додаде дека некои од обвинувањата се лажни. Но, самиот призна и се извини затоа што со некои жени се шегувал, што тие го протолкувале како флерт и додаде дека во тие моменти не сфаќал дека неговите потези се штетни.