Јапонецот Такакуми Асаки (33), кој поминал огромен пат и напор да дојде во Србија за да се вакцинира, денес во Ниш ја примил првата доза.
Асаки тргнал од неговата родна Осака низ целиот свет пред две години, а неговата прва станица била Лондон.
Пандемијата го затекла во Португалија, каде морал да остане пет месеци, бидејќи границите биле затворени.
Во јануари успеал да пристигне во Србија, но му било студено, па продолжил за Македонија, а потоа и Албанија.
Сепак, неодамна решил да остане во Ниш.
– Србија многу ми се допаѓа, а Ниш е прекрасен град. Морам да останам во Ниш уште две недели затоа што го оставив засилувачот на бас гитара на сервис, да ми го поправат. Се надевам дека за тоа време ќе успеам да се вакцинирам – рекол 33-годишниот Јапонец.