Јанева: Се уште имам верба во судството

by fokus 19:38
19:38

Иако до сега скоро сите барања на Специјалното јавно обвинителство беа одбиени од судот како неосновани, Специјалната јавна обвинителка Катица Јанева вели дека уште верува во судството и интегритетот и професионалноста на судиите.

– Будно ги следиме овие случувања околу судството, како институција која е зависна од судските одлуки. Што се однесува до нас, ние се надеваме дека личниот и професионалниот интегритет на судиите ќе дојде до израз во оваа ситуација и дека нивните одлуки ќе бидат засновани на закон и на нивен личен интегритет и дека нема да трпат влијание во однос на нашите постапки и барања – рече Јанева, која денеска присуствуваше на дебатата „Судско одмерување на казните и практична примена на алтернативните мерки во македонското законодавство“.

- Advertisements -

Последното отфрлање на нејзиното барање за одредување мерки на претпазливост за осомничените во „Трезор” се уште ги очекува, но Јанева рече дека најверојатно ќе ја обжалат и оваа одлука на Кривичниот суд.

Поврзани новости