Јанева: Се откажавме од замрзнување на седиштето на ВМРО-ДПМНЕ за да не влијаеме на политичката состојба

by fokus 14:15
14:15

Се откажавме од замрзнување на ВМРО-ДПМНЕ за да не влијаеме на политичката состојба, изјави денеска специјалната јавна обвинителка Катица Јанева, на прашањето зошто го повлекле Барањето за заштита на законитоста кое го поднесоа до Врховниот суд.

-Мислвме дека треба да одлучиме на друг начин за предметот „Талир“ бидејќи не сакаме да влијаеме на политичката состојба. Тоа барање можеме во секое време да го поднесеме во Основниот суд, тоа беше процесно барање и не беше облигаторно, рече Јанева.

- Advertisements -

Таа додаде дека во овој момент истрагата напредува и дека во следните три-четири  месеци се очекува да има епилог.

Минатата недела СЈО го повлече Барањето за заштита на законитоста, со кое бараа од Врховниот суд да утврди дека решението на Кривичниот совет, со кое беше одбиено барањето на СЈО за обезбедување дел од имотот на политичката партија, било незаконито.

Истрагата за случајот „Талир“ беше отворена поради сомнеж за незаконско финансирање на ВМРО-ДПМНЕ.

Поврзани новости