Катица Јанева останува во притвор, односно судијата на претходна постапка ја одбил понудената гаранција во имот, а и обвинителката Вилма Русковска дала негативно мислење, односно инсистирала Јанева да остане во притвор.
-Заради интерес на повеќе медиуми, ја информираме јавноста дека, до судија на претходна постапка кој постапува по предлог на одбрана на К.Ј. за укинување на мерката притвор и определување гаранција, денеска е доставено негативно мислење од Основнот јавно обвинителство за гонење организиран криминал и корупција по однос на предлогот.
По разгледување и ценење на предлогот и мислењето од надлежното обвинителство, судија на претходна постапка донесе решение со кое предлогот за укинување на мерката притвор со определена гаранција се отфрла како недозволен, а предлогот за определување мерки за претпазливост се одбива како неоснован, информираат од Кривичниот суд.