Изрешетан автобус со ученици на Косово

by fokus

Најмалку три лица загинаа во пукање врз автобус со ученици во селото Глоѓане кај Дечани, јавуваат медиумите во Приштина.

Возачот на автобусот загинал на лице место, а подоцна на повредите им подлегнале двајца тинејџери на возраст од 17 и 18 години. Косовските медиуми јавуваат дека кон автобусот пукале повеќе маскирани лица со автоматско оружје.

Бројот на повредени се уште не е познат, но Итната медицинска помош постојано довезува настрадани од Дечани кон Пеќ.

-Според информациите со кои располагаме има сомнеж дека дошло до пукање во правец на автобусот и дека две лица се повредени, соопшти полицијата од Пеќ.

Приштинските медиуми јавуваат дека е пукано кон автобусот со ученици, додека од полицијата за Газета Експрес потврдиле дека автобусот сообраќал на линија Ѓаковица-Дечани.

Поврзани новости