372
Жител на тетовското село Жеровјане поради финансиски долгови исценирал случај на грабнување. Секторот за внатрешни работи Тетово целосно го расчисти случајот со пријавеното грабнување на 52-годишниот А.А. од Жеровјане, кој бил пронајден во Гостивар, а потоа повикан во тетовската полиција. Тој сам го измислил киднапирањето поради долгови.
Исчезнувањето на А.А. било пријавено во Полициска станица Жеровјане на 8-ми овој месец во 15 часот. Потоа на телефонот на зетот Н.Б. од тетовското село Боговиње му пристигнале смс пораки дека исчезнатиот со неговото возило бил задржан од непознати лица и оти ќе биде пуштен откако ќе се даде одредена сума на пари.
Н.Б. вчера околу 18 часот во Полициската станица Тетово го пријавил случајот како грабнување.