Ивона Талевска се предомисли, не чувствува вина за даночно затајување

by Fokus

„Јас и ден денеска не чувствувам вина, но поради медиумската хајка, која што трае повеќе од една година, сметав дека признание на вина е најдобро решение, истакна на денешната јавна седница новинарката Ивона Талевска.

Талевска е осудена на условна казна од две години затвор, откако пред неколку месеци во Kривичниот суд призна за затајување на данок, во предметот  на Специјалното јавно обвинителство „Тифани“.

Покрај условната казна, Талевска ќе треба да ја врати целата сума, за која се сомничеше во случајот „Тифани“,  a треба да плати и околу 1.000 евра за направено вештачење.

Случајот „Тифани“ се однесува на кривично дело што траело од 2008 до 2014 година, при што Талевска како управителка на друштвото за консалтинг „Смарт ДООЕЛ“ и на „Смарт груп ДООЕЛ Скопје“ за даночните 2008 – 2014 година одбегнала да плати даноци, а во завршните сметки давала лажни податоци, при што одбегнала да плати 2.314.463 денари или 37.634 евра преку фирмите и 1.040.840 денари или 16.924 евра личен данок.

Поврзани новости