Иванов во 13 часот ќе му го додели мандатот на Груевски за нова влада

by fokus 12:47
12:47

Претседателот Ѓорге Иванов денеска во 13 часот во вила Водно ќе му го врачи мандатот за состав на Влада на Република Македонија на Никола Груевски, претседател на ВМРО-ДПМНЕ, информира кабинетот на Иванов.

Денеска истекува рокот кога претседателот треба да го довери мандатот за формирање влада на кандидат на партијата, односно партиите што освоија најголем број мандати на предвремените парламентарни избори одржани на 11 декември минатата година.

Деветтиот македонски парламентарен состав, кој има 120 народни избраници, се конституираше на 30 декември минатата година. Најмногу пратеници има коалицијата предводена од ВМРО-ДПМНЕ – 51. Коалицијата предводена од СДСМ има 49 мандати, ДУИ – 10, Беса – 5, Алијанса на Албанците – 3 и ДПА – 2.

Во овој парламентарен состав нема народни избраници од дијаспората поради недоволен број освоени гласови.

Поврзани новости