Иванов: Кој ќе има мнозинство, тој ќе биде мандатар

by fokus 22:38
22:38

Мандат за состав на нова влада ќе добие партијата која ќе ме извести дека обезбедила мнозинство, односно потпис од 61 пратеник, порача претседателот Ѓорге Иванов, по целодневните средби политичките партии.

-Изминатиов период се изнаслушавме разни толкувања на Уставот, секој го толкува како што сака и му одговара. Но, јас како претседател дадов  заклетва дека ќе го почитувам. А Уставот  не може да се толкува според партиски интереси. Членот 90 од Уставот е јасен, преседателот е должен да го довери мандатот на  паријата која има мнозинство во Собранието. Го искористив уставното правo-рече Иванов.

- Advertisements -

Шефот на државата рече дека за време на консултациите се разговарало за сите модуси ако ниту една партија или коалиција не обезбеди мнозинство во Собранието.

– Сите опциии се отворени – порача Иванов.

Претседателот побара од оние што ќе ја состават новата влада во својата програма да имаат два клучни приоритети: заштита на државните интереси,односно унитарноста на државата и системска реформа на националната безбедност.

Поврзани новости