424
Од кабинетот на претседателот, Ѓорге Иванов, информираат дека денешната средба со премиерот и министерот за надворешни работи траела две минути. Од таму најавуваат обраќање на претседателот во текот на денот.
„Претседателот на Република Македонија, д-р Ѓорге Иванов, денеска ги прими претседателот на Владата на Република Македонија, г. Зоран Заев и министерот за надворешни работи на Република Македонија, г. Никола Димитров. Информираме дека средбата траеше две минути. Во текот на денешниот ден претседателот Иванов ќе има обраќање до македонскиот народ и граѓаните на Република Македонија“, посочуваат од таму.