Италијанската полиција трага по исчезната Македонка

by fokus 15:20
15:20

Веќе три недели во Италија се трага по Македонката Светлана Михајлова (51), која последен пат била видена на 30 март, кога излегла од својот дом во Пјаченца.

Според семејството на Михајлова, таа на 30 март излегла во продавница да купи основни работи неопходни за домот, но со себе носела малку пари и мобилниот телефон. Таа не ги зела личните документи со себе. Откако поминало подолго време од вообичаеното за враќање, сопругот и синот неколку пати и се јавиле на мобилниот бидејќи таа поминувала низ тежок период. Светлана им рекла дека нема намера да се враќа, па тие безуспешно се обидувале да ја предомислат. Последен пат се слушнале во 14.30 часот по што го телефонот бил исклучен.

- Advertisements -

Пред да излезе од дома Михајлова била под терапија со лекови и покажувала знаци на нервоза.

Полицијата успеала да и влезе во трага на подземната железничка станица каде била снимена на безбеносните камери. Според надлежните од железницата, жената најверојатно отпатувала кон градовите на брегот на Јадранското Море.

Потрагата по Михајлова продолжува со несмалено тепмо, а полицијата постојано објавува нејзини фотографии и контакт телефони на кои граѓаните можат да дадат било какви информации за исчезнатата.

Поврзани новости