Новиот корона вирус Ковид 19 се пренесува од болни на здрави лица многу поретко при релативна влажност на воздухот од 40 до 60 отсто отколку при пониска или поголема влажност.
Истражувањето на американски и швајцарски научници за влажноста што го ослабува вирусот е објавена во Годишниот преглед на вирологијата, цитиран од Универзитетот Јеил.
Експериментите со глувци покажале дека вирусите како САРС-КоВ-2 можат најлесно да се справат со релативна влажност од 50 отсто. Сувиот ладен воздух најмногу придонесува за заболувања со Ковид 19.
Научниците сметаат дека истражувањето им дава можност да направат врска помеѓу времето и ширењето на болеста. Тие повикуваат во текот на зимата да се користат навлажнувачи на воздухот и да се избегнуваат затворени места со слаба вентилација затоа што оваа инфекција главно се пренесува преку контакти на луѓето.
Во март, Медицинскиот центар на Универзитетот Стенфорд објави дека речиси секој петти заразен со новиот корона вирус се заразува и со други респираторни вируси.