Истрагата за МПМ завршила, Керим се сомничи за три кривични дела

Специјализираниот портал „Правосудство“ пишува дека кривичната истрага за сопствениците на „Медиа Принт Македонија“ е завршена. Како што информира порталот, истрагата завршила кон крајот на минатиот месец, а некогашниот директор на МПМ, Срѓан Керим, се сомничи за три кривични дела.

Според нив, Керим е осомничен за сторена „Злоупотреба на службена положба и овластување“, согласно член 353 од Кривичниот законик, за „Оштетување или повластување на доверители“ од член 257 став 3 од КЗ и за „Намерно предизвикување на стечај“.