ИРИ: СЈО со рејтинг од 53 отсто, најмала доверба во Антикорупциска комисија

by Fokus 23:04
23:04

Специјалното јавно обвинителство има поддршка од 53 отсто од граѓаните, покажува најновата анкета спроведена од Меѓународниот републикански институт – ИРИ во март годинава.

Според направеното истражување, најмала е довербата во Државната комисија за спречување корупција во која веруваат само 15 отсто од граѓаните. Потоа следуваат политичките партии со 16 отсто доверба, тука се и судовите со 21 отсто, како и медиумите со 21 отсто доверба. Истражувањето на ИРИ, исто така покажува дека Јавното обвинителство има доверба од 22 отсто, а Собранието од 23 отсто, Државната изборна комисија (25), општините (28), Владата (29), здравствениот систем (36), Претседателот на државата (38 отсто)…

- Advertisements -

Резултатите на ИРИ покажуваат дека 51 отсто од анкетираните граѓани донекаде или многу се разочарани со досегашната работа на градоначалниците, а 47 отсто со работата на општинските совети. Дури 46 отсто од граѓаните се изјасниле дека се незадоволни и од нивната локална администрација.

За дури 57 проценти од граѓаните во анкетата не постои правна држава во Македонија.

 

Поврзани новости