Инспектори со полиција влегоа во куќата на лекарот кој ја оперираше жената што остана без бубрег, јајник и матка

by fokus

Инспектори од Државниот санитарен и здравствен инспекторат денеска со полициска асистенција влегле во куќата на лекарот кој ја оперираше жената од Дебар која обелодени дека по породувањето излегла без матка, бубрег и јајник, дознава Фокус.

Се уште се чека потврда од ДЗСИ и Министерството за здравство.

Пред извесно време Јилдиз Веповска од Дебар, медицинска сестра од итната помош обелодени јавно дека при породување во болницата во Струга со царски рез останала без матка, бубрег и јајник. Иако не се чувствала добро, лекарот кој ја оперирал и дал отпусно писмо, а потоа била примена на скопската Клиника каде дознала дека останала без органи.

Нејзината бременост ја следел лекар од Струга во приватна ординација, која се наоѓала во неговатата приватна куќа. Истовремено, тој бил и директор и гинеколог во струшката болница. Иако тој ја следел бременоста, жената ја породил неговиот син, по што почнале компликациите.

Поврзани новости