Има пациенти позитивни на корона вирус кои се лекуваат дома, тврди Филипче

Министерот за здравство Венко Филипче на денешната прес-конференција истакна дека има пациенти кои се позитивни на корона вирусот, но кои одлучиле дома да се лекуваат.

„Ние правиме проценка. Има пациенти кои одлучуваат да се лекуваат и во домашни услови и на нив редовно им се врши контроли. На домашно лекување се пациентите кои имаат лесна клиничка слика според предвидените алгоритми – додаде Филипче.