Меси потпиша за Иванов

Најдобриот фудбалер на денешницата Лионел Меси вчера стави потпис на иницијативата за реизбор на Ѓорѓе Иванов за претседател на Република Македонија. Тој потврди дека вчера потпишал некои хартии, но рече дека мислел оти се работи за нов договор со Барселона.

– Не знаев дека се потпишувам за Иванов, не знам ни кој е Иванов, но денеска ми се јавија и ми рекоа дека е океј човек. Така што да, го поддржувам – изјави Меси телефонски за македонските новинари кои вчера го преплавија со повици и смс-ови поврзани со неговиот потпис за Иванов.