Хоспитализиран маж од Кавадарци, нови шест случаи на Ковид-19 во Тиквешијата

by Fokus 13:05
13:05

Денеска се регистрирани шест нови пациенти во Тиквешијата заразени од корона вирус, информираат од Центар за јавно здравје Кавадарци.

Станува збор за четири лица од Кавадарци, едно од Дисан и едно од Росоман. Еден пациент од Кавадарци на 50-годишна возраст, поради потешка клиничка слика, е хоспитализиран на Инфективното одделение во Велешката болница.  Останатите пациенти со благи симптоми остануваат на домашно лекување.

- Advertising -

Најмладиот од новоинфицираните има 38 години, а еден од пациентите е со место на живеење во Неготино. Од Центарот информираат дека се работи на утврдување на нивните контакти, а новорегистрираните не знаат од каде се инфицирале.

Вики Клинчарова

Поврзани новости