Холандија не го пушти Чавушоглу да слета на нејзина територија

by fokus 14:22
14:22

Холандија не му дозволи слетување на територијата на земјата на авионот со кој турскиот министер за надворешни работи Мевљут Чавушоглу требаше да пристигне на митинг во Ротердам.

Чавушоглу најави дека ќе отпатува за Ротердам за да учествува на митинг на припадниците на тамошната турска заедница во пресрет на уставниот референдум во Турција, иако ротердамскиот градоначалник Ахмед Абуталеб ја забрани неговата посета.

– Денеска одам за Ротердам. Ќе и воведеме строги санкции на Холандија, ако ја спречи посетата – изјави Чавушоглу.

Холандија пак, не одговори на отворените закани, а за забраната за слетување на Чавушоглу рекоа дека е одлучена, бидејќи дипломатот би можел да го „загрози јавниот ред и безбедност“.

Чавушоглу во Ротедрам требаше да се обрати на митинг на припадниците на турската заедница, организран од властите во Анкара со цел да ги поттикнат Турците во Холандија да гласаат на референдумот за промена на Уставот на Турција, со што треба да се зголеми моќта и овластувањата на претседателот Реџеп Таип Ердоган.

Поврзани новости